Kesê ke Qirkerdişê Garî de şîyî heqîya xo, aşma 116. ya qirkerdişî de ameyê vîrardene.
10ê teşrîna verêne ya 2015î de DAÎŞ’î Qada Garê Trêne ya Anqara de vera kesanê ke beşdarî Mitîngê Aştî bîbî, hêrişê bombayî kerd. Hêrişî de 104 kesan cuya xo vîndî kerde. Kesanê ke qirkerdişî de cuya xo vîndî kerde, aşma 116. ya qirkerdişî de ameyê vîrardene. Merasîmê vîrardişî de sloganî “10ê teşrîna verêne xo vîr ra meke, mede xovîrîrakerdiş!” ame vatene.
Vîrardiş bi rêzgirewtişî dest pêkerd. Dima zî Hemserekê Koemla 10ê Teşrîna Verêne Îhsan Kocabiyikî qisey kerd û dîyar kerd ke seba aştî, demokrasî, wa û birayî û edaletî 116 aşmî yo bêmabên têkoşîn danê. Kocabiyik dewamê qiseykerdişê xo de bale ant roniştişê dewaya versucanê fîrarî yê qirkerdişî ser o ke do 17ê hezîrane saete 10:00î de Mehkemaya Cezayanê Giranan ya 4. ya Anqara de bêro kerdene û vengda ke her kes beşdar bibo. Kocabiyik dewamî de wina vat: “Ma seba dewaya Qirkerdişî Garî ya 10ê Teşrîna Verêne vengdanê; bêrê ma pîya mil bi mil, seba aştî û demokrasî rayra şêrê.”
