Meclîsê Keyeyanê Şehîdan û Ciwananê Şorişgiran seba vîrardişê xoverdayoxanê 14ê temmuze Kobanî de programê vîrardişî organîze kerd.
Meclîsê Keyeyanê Şehîdan û Ciwanê Şorişgir ê Kantonê Firatî, sazgeh û dezgehanê girêdayeyê Rayberîya Xosere, bi munasebetê serrgêra Xoverdayîşê 14ê Temmuze yê pêşenganê PKK’yî Mehmet Hayrî Dûrmûş, Kemal Pîr, Alî Çîçek û Akîf Yilmaz yo 43. Merkezê Kultur û Hunerî yê Baqî Xido yê Kobanî de programê vîrardişî organîze kerd. Dima Hesen Kobanî şehîdê xovedayîşî bi rêzdarî ardê vîr û vat: “Bi çalakîya Mehmet Hayrî Dûrmûş, Kemal Pîr, Alî Çîçek û Akîf Yilmazî Zîndanê Amedî de xoverdayîşêko pîl ame mojnayene.”
Qiseykerdişî ra pey Merkezê Kultur û Hunerî yê Baqî Xido şano pêşkêş kerd û dima ra zî xoverdayîşê zîndanê Amedî ser o sînevîzyonêk ame nîşandayene. Dima ra zî mumî ameyê veşnayene. Endamê Ciwananê Şorişgiran keyeyan rê dîyarî vila kerdî.
