Keyeyê Gulistan Dokû ke seba pêvinayişê dozgerî wexto ke resa vernîya Edlîyeya Dêrsime qisey kerd û wina vat: “Wa kesêko bîn nê dejî nêanco”
Dêrsime de 5ê çele 2020 de wendekara sinifê 2. a beşa averbedişê gedeyan a Unîversîteya Munzurî Gulîstan Dokû amebî vîndîkerdene. Çarçewaya cipersîyayîşî derheqê vîndîbîyayîşê aye de 13 kesî ameyê destbendkerdene. Badê nê averşîyayîşan, keyeyê Dokû şî Edlîyeya dêrsime.
‘Wa Gulîstanê bînî nêrê kiştene’
Dayîka Gulîstan Dokû, Bedriye Dokû, derheqê averşîyayîşê newî de vernîya edlîye de qisey kerd û vat: “Wa kesêko bîn nê dejî nêanco. Bi aşman ma tîya girewtî. Tena vatêne ‘kênaya to tîya nîya.’ Xeylê kesî tewrê cigêrayîşan bîyê. Ma nê kesî guna nêbî, heyf nêbî ? Çi rê no çî bi kênaya mi kerde ? Ez do nika dozgerî reyde pêvînayîş bikerî û dima ra bêra qisey bikera.”
Pîyê Gulistan Dokû Halît Dokû zî dîyar kerd ke badê nê averşîyayîşan hêvîyê ey virazîyaya û bawer keno ke edalet bi ca bêro. Keyeyê Dokû seba dozgerê dewa reyde pêvînayîş bikerê derbasê edlîye bîyê.
Çarçewaya cipersîyayîşî de seba 14 kesan qerarê destbendkerdene amebî dayene; badê sereştişan de Stenbol, Anqara, Dêrsim, Antalya û Xarpêt de 13 kesî ameyê destbendkerdene. Badê nê averşîyayîşan keyeyê Gulîstan Dokû ameya Edlîyeya Dêrsime.
