Koçberê ke semedê hukmatê Demkî yê Sûriyê koçber biyê 16 keyeyî resayê dewa Çilaxa. Komîteyanê heremî keyeyê koçberî banan de bicakerdê û roniştoxê zî lazimatîya înan vînenê.
Rayberîya Xosere bi heme îmkananê xo xîzmetê koçberan kena. 16 keyeyê Efrîn û Şehbayî yê Reqa, Tebqa û Humse de mendêne, semedê sûc û binpaykerdişanê grûbanê çeteyî hukmatê demkî koçber bîyê, resayê herêmê Alyan ê Çilaxaye. Meclîsê şaristanokê Kêşike yê Çilaxaye keyeyê koçberî ke 68 kesî ra pê ameybî, pêşwazî kerdê û ey dewa Qesteban, Badyan û Dêrna Axayî bicakerdê.
Dewijî hetkarîya keyeyan kenê
Keyeyê koçberî bananê vengan yê dewijan de ameyê starkerdiş. Nê banî hetê roniştoxan û meclisê şaristanî de amebî hazirkerdene. Derheqê babete de endama Meclisê şaristanokê Kêşike Mehabad Abdullah dîyar kerd ke înan bi hemkarîya komîteyanê xizmetî û awarteyî, banî koçberan rê amede kerdê û vat keyeyî 4 dewan de ameyê cakerdene û lîsteyê nameyanê înan ame hedrekerdene ke hetkarî înan rê bêro vilakerdene.
Mehabad Abdullah dîyar kerd ke dewijî hetkarîya madî û manevî danê koçberan û lazimatîya înan tedarek kenê. Sewbîna hetkarîya keyeyanê koçberan dewam kena.
