Rojaneyê ke Jîndare Ezgî 2010-2014î de nuştî û bi nameyê “Welatê Min o Estaneke” ameyî weşanayene.
Rojaneyê Jîndare Ezgî yê (Pinare Yildirim) bi nameyê “Welatê Min o Estaneke” ameyî weşanayene. Kitabo ke bi hetkarîya Newayajin ame amadekerdene seba weşanayîşî, resimê qapaxî Sînan Hezerî viraşt û hetê Weşanê Meymanî ra ame çapkerdene.
“Welatê Min o Estaneke”, hetêk ra behsê qeydeyanê ciwîyayîşê azadî keno ke bi formatê rojaneyî ameyî nuştene, hetêk ra zî şahîdîya edebî ya dinya keno ke zerrîya yew şarî, yew têkoşînî û yew cinîye, eşq û hewesê azadîye pêşkêş keno.
Kitab bale anceno wijdanê hemrayîya pête. Jîndare Ezgî vîndîkerdoxanê xo; lajê cesur zerrîrindî yê welatê xo; Hebûn, Zîlan, Çekdar, Botan û zaf kesanê bînan bi cesaretê înan ê resayîşê xeyal û hêvîyanê xo de ana vîrî. Naye ra “Welatê Min o Estaneke”, sey kitabêko hîra yo kolektîf bale anceno xo ser.
Kitab, eynî wext îzahê azadîya cinîyan o xorîn pêşkêş keno. Jîndare Ezgî, cinî; sey vindertiş û nasnameyê têkoşînî, hesab-kitabê zereyî û kede gêna xo dest.
Derheqê nuştoxe de:
Jîndare Ezgî (Pinare Yildirim) 1979î de Dêrsim de bîya. Seba perwerdeyîya unîversîte şina Ankara. Nê serran de bi ciwananê welatperwer nas bîye û beşdarê xebatan bîye. 2001î de bi grubêk hemrayan reyde pîya beşdarê refanê gerîlayan bîye. Sey şervane û fermandare ya YJA-Starî demêko derg Koyê Zagrosî de xebitîyaye.
Jîndare Ezgî ya ke 17 serrê xo koyanê Kurdîstanî de şarê xo rê feda kerd; Qendîl, Behdînan, Zagros û peynîye de şeş serrî Dêrsim de cuyêka fedakarane ciwîyaye. 15ê tebaxe 2018î de Dêrsim de şerêk de di hemrayanê xo reyde pîya şehîd bîye û bîye bêmerge.
