Xebata albumî ya ke serra 1994î de bi nameyê “Seba vîraradişê Sêwasî” bi pêşengîya Merkezê Kulturî yê Mezopotamyaye virazîyaye, hetê KOM Muzîkî ra ser platformanê dîjîtalan de ameye bar kerdene.
Qirkerdişo ke vîrê komelî de sey “Qirkerdişê Sêwasî” ca gêno, ma serrgêra ci ya 33. de yê. Serra 1994î de Merkezê Kulturî yê Mezopotamyaye seba na roja sîyaye ke 33 roşnvîr û hunermendî ameyî qir kerdene, albumêko taybet amade kerd. No albumo ke qirkerdişî ra yew serre dima virazîya, tede 10 hunermendê cîyayî bi kurmanckî, zazakî û tirkî kilaman vanê.
No albumo ke bi nameyê “Werin Dostno” Seba vîraradişê Sêwasî yo, kilamê ci 33 roşnvîr û hunermendan rê ameyî îthaf kerdene. Na xebata taybete ke serra 1994î de hetê Mazlum Plakî ra ameye çap û vila kerdene, serranê averan de tewrê arşîvê KOM Muzîkî bena. Albumê “Seba vîrardişê Sêwasî” ke nika platformanê dîjîtalan de ca nêgêno, serrgêra “Qirkerdişê Sêwasî” yê 33. de hetê KOM Muzîkî ra bi hawayê dîjîtalî newe ra weşanîya.
