Kombîyayîşê grûba nuştişê raporo hempar ê Komîsyonê Meclîsî qedîya. Endamnê komîsyonî dîyar kerd ke xebatê raporo hempar ser o dewam kenê.
Grûba Nuştişê Raporo Hempar ê Komîsyonê Demokrasî, Waûbirayî û Piştîdayîşê Mîllî bi serekîya Numan Kurtulmuşî ame têhet. Endame Komîsyonî yê DEM Partî Cengîz Çîçek, Cagirê Serekê MHP’yî Fetî Yildiz, endamê komîsyonî yê CHP’yî Murat Emîr, endamê komîsyonî yê AKP’yî Abdulhamît Gul û endamê komîsyonî yê Grûba Yenîyolî Bulent Kaya ke seba nuştişê raporî ameyê dîyarkerdeme, beşdarê kombîyayîşî bîyê.
Kombîyayîşî ra pey endamanê komîsyonî dîyar kerd ke xebatê raporî dewam kenê û Fetî Yildizî zî vat ke demêko kilm de do biqedîyo.
