PYD û ENKS verê konferanso ke do 20ê Adare de bêro kerdene, kombîyayîş viraşt û kombîyayîş bi eyînî ame qedîyayîş.
16ê Adare de seba nirxnayîşê ameyoxê Sûrîye û xebatê yewbîyayîşê Kurdan bîla ENKS’yî partîyê Kurdanê Vakur û Rojhelatê Sûrîye bi daxilbîyena hêzanê komel û sîyasîyan kombîyayîş amebî viraştene. Nê kombîyayîşî de yew babeta sereke zî nîqaşkerdena hazirîya konferansê mabênê partî û hêzanê Kurdan bî. Kombîyayîşî ra dima partîyanê sîyasîyan yew eşkerayîye dabî. Eşkerayîye de amebî vatene ke înan belgenameyeka sîyasîye ser o nîqaş kerdo. Na belgenameye de fikrê Partîya Yewbîyayena Neteweyî ya Kurdî (PYNK) û partîyê ke teberê înan de manenê, sey ENKS’yî ca gênê.
Gorê eşkerayîye nê kombîyayîşî ra dima ENKS’yî waşto ke Partîya Yewbîyayena Demokratîk (PYD) reyde pîya yew kombîyayîşêko taybet virazo. Seba yewbîyayena Kurdan partîyanê bînan no kombîyayîş qebul kerdbî. Goreyê nuşteyê ANHA’yî mabênê PYD û ENKS’yî de kombîyayîşêko çapemenîye rê girewte, ame kerdene. Ame zanitene ke kombîyayîş bi eyînî ame qedîyayîş.
20ê Adarê de ganî konferansêk bêro viraştene
Goreyê agahîyê ke komîteye dayê ganî 20ê Adarê de şaristanê Qamişloyî de konferansêk bêro viraştene.
