Komîsyonê meclîsî do 17 3u 18ê êlule de kombîyayîşê xo yê 10 û 11. bikero. Kombîyayîşî de nameyê akademîsyenanê ke do bêrê goşdarîkerdene, dîyar bîyê. Kombîyayîş dp 2 roniştişan ra bêro pê û nê kombîyayîşî ra pey do goşdarîkerdişî biqedîyê.
Komîsyonê Demokrasî, Waûbirayî û Piştîdayîşê Mîllî ke çarçewaya prosesê Aştî û Komelê Demokratîk de meclîs de amebi awankerdene do 17 û 18ê êlule de kombîyayîşê xo yê 10 û 11. bikero. Nameyê akademîsyenanê ke do kombîyayîşî de bêrê goşdarîkerdene wina yê:
“Roniştişo yewin ê kombîyayîşî de; Prof. Dr. Havva Kok Arslan, Prof. Dr. Sevtap Yokûş Veznedaroglû, Prof. Dr. Ayşe Betul Çelîk Doç. Dr. Çerag Esra Çûhdar do bêrê goşdarîkerdene.
Roniştişo diyîn ê kombîyayîşî de; Fatih Ûlûsoy, Huseyin Orûç, Prof. Dr. Denîz Ulke Kaynak, Doç. Dr. Vahap Coşkûn, Prof. Dr. Talha Kose do bêrê goşdarîkerdene.
Kombîyayîşo 11. de zî: Federasyonê Eşîranê Qedîman, Konfederasyonê Cerdevanan û Keyeyê Şehîdan ê Anatolîyayî, Weqfa Alimanê Medreseyî, ÎTTÎHA, Federasyonê Karkeranê Herême, Komela Karkeranê Cinî ê Herême do bêrê goşdarîkerdene. Nê kombîyayîşan ra pey goşdarîkerdişê komîsyonî qedîyenê.
