Komeleya Heqê Merdiman ê Şaxê Amedî seba bal bianco ser binpêkerdişê heqê hepsîyan “Komxebata Hepisxaneyan” ê ke di rojan bidomyo, destpê kerd.
Komeleya Heqê Merdiman (ÎHD) ê Şaxa Amedî seba bal bianco ser rewşa hepisxaneyan û binpêkerdişê heqê hepsiyan “Komxebata Hepisxaneyan” ke di rojan bidomyo, virazena. Komxebate awanîya komele de pê yena û destpê kerd.
Komxebate de binpêkerdişê heqê hepsiyan û problemanê ke rî bi rî manenî ser o do bêrê nîqaşkerdiş. Her wina seba çareserkerdişê probleman do pêşnîyazî bêrê kerdiş.
Hemserekê Pêroyî yê ÎHD’î Huseyîn Kuçukbalaban, Serekê Baroya Amedî Abdulkadîr Guleç, her wina rayver û temsîlkaran rêxistin û sazîyê heqê merdiman û huquqî, endam û rayberanê ÎHD’î beşdarî komxebate ra bîyê.
Qiseyê destpêkî yê komxebate Serekê ÎHD’î yê Amedî Ercan Yilmaz kerd û silamê beşdaran kerd.
‘Hema zî ti gam nêameya eştiş’
Dima zî Huseyîn Kuçukbalaban qise kerd û dîyar kerd ke demo ke ê behsê heqê merdiman kenî ewilî hepisxane yeno hîşê merdiman û wina va: “ÎHD bi hetkarîya û destekê keye û dayîkanê hepsiyan ame awankerdiş. Ma sey ÎHD’î raporanê xo pare kenî la bawer bibî, raporan ke ma pare kenî zaf kêm ê. Demo ke hepisxaneyanê Tîpa F’î ameyî awankerdiş, hepsiyan nêwaşt şîrê hepisxaneyanê Tîpa F’î. Wezaretê Adaletî cezaya îdamî hawana la ewro cezayanê muebedî hepsiyan ra birnenî. No zî îdam o. Tecrîd verdewam keno, no warî de zî ti game nêame aştiş.”
Komxebate bi pêşkeşîya raybera Merkezê ÎHD’î Nuray Çevîrmen domya û dima zî komxebate çapemenî ra girewte verdewam kerd.
