Komxebata ‘Platformê Yewîya Neteweyî ya Cinîyanê Kurdan a Başûrê Kurdistanî’ dest pêkerd û do bi pêşnîyazan dewam bikero û peynîye de bi netîcenameyêk do bêro eşkerakerdiş.
Ewro hola kitabxaneyê Tewarî yê Silêmanî de bi tewrbîyayîşê xeylêk sîyasetmedar, hunermend, aktîvîst û kesê xosere komxebata eşkerakerdişê ‘Platformê Yewîya Neteweyî ya Cinîyanê Kurdan a Başûrê Kurdistanî’ dest pêkerd.
Goreyê programê komxebate, metnê destpêkî do hetê Şeyda Merûfe ra bêro wendiş û dima zî Sara Reza do raporê platformî biwano. Tê payîn ke komxebate bi pêşnîyazan dewam bikero û peynîye de zî bi netîcenameyêk ‘Platformê Yewîya Neteweyî ya Cinîyanê Kurdan a Başûrê Kurdistanî’ bêro eşkerakerdiş.
Goreyê xeberan, Platformê Yewîya Neteweyî ya Cinîyanê Kurdan a Başûrê Kurdistanî’ do seba yewîya cinîyan a Başûrê Kurdistanî, game seba kar û çalakîyanê cinîyan, karê pîya û bi armancê çareserkerdişê pirsgirêkanê cinîyan û neteweyîyan kar bikero.
