Ame dîyarkerdene ke Kongreya Neteweyî ya Kurdî ya Vakûr û Rojhelatê Sûrîyeyî do hewtêna bêra organîzekerdene.
Amadekarîyê seba Kongreya Neteweyî ya Kurdî ya Vakûr û Rojhelatê Sûrîyeyî dewam kenê. Ame dîyarkerdene ke kongre do hewtêna bêra kerdene. Goreyê xebera ajansê ANHA’yî; ameyêne pawitene ke netîceyê dayîş-girewtişanê û verkarê yewîya partî, hêz û rêxistinanê kurdî Newroze de bêrê parekerdene la komîteyê amadekar riyê tayê astengîyan ra eşkerakerdişê netîceyanê dayîş-girewtişan taloq kerdbî.
Ame dîyarkerdene ke hêz, partî û rêxistinê sîyasî yê kurdî Vakûr û Rojhelatê Sûrîyeyî waştişê şarî ser o belgeyê yewîye ser o pêkerd. Goreyê berpirsan belgeyo ke partî û hêzan ser o pêkerdo, hukmatê Şamî reyde awankerdişê komîteyêk seba munaqeşekerdişê heqanê şarê kurdî, bidestvistişê heqanê kurdan û destûrê newe yê Sûrîye de beşdarkerdişê kurdan teqez keno.
