Konseyê Şaristanî yê Amedî ÇandAmed de bi eşkerayîyêk Meclîsê Gedeyan ê Amedî eşkera kerd.
Konseyê Şaristanî yê Amedî vera binpaykerdişê heqanê gedeyan ÇandAmed de awankerdişê Meclîsê Gedeyan îlan kerd. Eşkerayî de endam û rayberê Konseyê Şaristanî yê Amedî beşdar bîyê.
‘Ma do şaristanê gedeyan awan bikerê’
Sekretera Pêroyî ya Konseyê Amedî yê Şaristanî Selvî Tunç dîyar kerd ke ê sey Konseyê Şaristanî yê Amedî seba ke gedeyî bi hewayêko aktîf beşdarê cuya komelî bibê, do Amed sey şaristano ke embazê gedeyan o, bêro pênasekerdene. Selvî Tunç îfade kerd ke Konseyê Şaristanî yê Amedî bi eşkerayîyêk awankerdişê Meclîsê Gedeyan îlan keno û vat: “Amed şaristanêko zafziwanî û zafkulturî yo. La Amed de kemaneyî ke gedeyî xo bi ziwanê xo yê maye îfade bikerê, est ê. Nê kemaneyî zîhnîyetê gedeyan sînordar kenê. Ma sey Konseyê Şaristanî yê Amedî do xebatanê xo bidomnî ke gedeyî mîyanê şaristanêko hempar, zafziwanî de biciwîyê.”
