Koyê Dorşîn de birnayîşê daran ke cerdevanî û tayê dewijan dest pêkerdbî, dewam keno.
Qezaya Pasur a Amedî de Koyê Dorşîn de taxanê Eskar û Beyrok de hetê cerdevanî û tayê dewijan ra birnayîşê daran dewam keno. Herêma ke tewr muhîm a daristanan a qeza ya, semedê emnîyetî şîyayîş û ameyîşî rê padaye ya.
Birnayîşê daran ke bi bahaneyanê ciwankerdişê daristanan yeno kerdene reaksîyonê şarê herême gêno. Şarê dewe ke nêwaşt nameyê xo bido, va: “Çira sîyasetmederî û ekolojîstî vera birnayîşê Eskar û Beyrok de çîyêk nêkenê? Çemê Pulp ame ziwakerdene, Hesendîn yeno vindîkerdene. Dorşîn ke depoyê oksîjenî yo tewr muhîm ê qezaya ma yo, yeno birnayene. Çira vera nînan bêvengîye est a?”
