Serekê Meclîsî Nûman Kurtulmuşî dîyar kerd ke proseso nikayîn senî ke ameyo plankerdene, dewam keno û vat: “Cayo ke proses bêro nîqaşkerdene, Meclîs o.”
Serekê Meclîsî Numan Kurtulmuş Şirnex de beşdarî çalakîyêk bi. Kurtulmuşî çalakî de vat ke proseso derheqê çareserîya meseleyê kurdî de “senî ke ameyo plankerdene” dewam keno.
Kurtulmuşî vat: “Cayo ke mesele bêro qiseykerdene, hem hetê sîyasetî ra hem zî hetê qanûnî ra cayo ke zemînê ey bêro amadekerdene, Meclîs o. Ma pêro partîyê sîyasî do paştî bidê prosesî.”
