Çalakîyê protestoyî yê Los Angelesî ke seba piştgirîya koçberan yenê kerdene, dewam kenê. Merkezê şaristanî de qedexeyê vejîyayîşê teberî ame eşkerakerdene.
Çalakîyê protestoyî yê şaristanê Los Angelesî ê DYA’yî ke seba piştgirîya koçberan yenê kerdene, dewam kenê. Şaredarê Şaristanî Karen Bassî hesabê xo yê medyaya dijîtale ser o eşkera kerd ke seba merkezê şariştanî qedexeyê vejîyayîşê kuçeyî ameyo eşkerakerdene.
Qedexe merkezê şaristanî de seba qadêka qandê 2 kîlometrekare û nêm ame eşkerakerdene û do şanan saete 20:00î ra heta serê sibayî saete 06:00î dewam bikero.
Karen Bass dîyar kerd ke seba girewtişê vernîya “kesanê ke nîyetê înan xirab o” ê ke hewldayîşanê “kaotîk” ê Trumpî ra îstîfade kenê, qerarê qedexeyî dayo.
