Heyetê DEM Partî yê Îmraliyî siba pêvînayîşî xo yê bi Rayberê PKK’yî Abdullah Ocalanî ra pey do Stenbol de saete 17:00î de beyanatê çapemenî bido. Beyanato tarixî do Amed û Wan de zî ekrananê girdan de bi hewayêko gandar bêro dayene.
Partîya Herêmanê Demokratîk (DBP), Partîya Têduştî û Demokrasîyî ya Şaran (DEM Partî), Meclîsê Cinîyan yê DEM Partî û Tevgerê Jinên Azad (TJA) ra Amed û Wan de seba tewrbîyayîşê temaşekerdişî mesajê tarixî vengdayîşêk kerd. No vengdayîş bi sloganî ‘Ma vengdayîşê seserre Amed de bi hewayêko girseyî pêşwazî kenê’ ame kerdene.
Beyanatê çapemenî Amed de do Qadê Şêx Seîdî de ekranê girdî de bi hewayêko gandar bêro dayene. Wan de zî ekrano gird do Qadê Şaristanî de bêro ronayene.
