Maçê Manchester City û Galatasarayî yê Lîga Şampiyonan a UEFA de 3 kesan Beyraqa Kurdîstanî akerd û maç demêk vindert.
Şewa vîyarte Brîtanya de çarçeweya Lîga Şampiyonan a UEFA de taximê Manchester City û Galatasarayî Londra de ameyî vera yewbînan.
Destpêkê dewrê dîyînî yê maçî de 3 kesî bi Beyraqa Kurdîstanî kewtî mîyanê warê maçî û waşt bale biancê rewşa Kurdîstanê Rojavanî ser.
Seba na çalakîye kaybazî û hakem demêk vindertî. Hêzanê emnîyetî mudaxele kerd û çalakgerî warî ra vetî. Seba naye maç nêzdîyê 2 deqa vindert.
A game de sazgehê weşanê gandarî goreyê protokolanê weşanê gandarî yê UEFA dîmenê çalakîye nêda ekranan ser.
Badê ke çalakgerî warî ra ameyî vetene, maç dewam kerd. Maç bi serkewtişê Manchester Cityî bi netîceya 2-0 qedîya.
