Serekwezîrê verê yê Îtalyayî Massimo D’Alema vengdayîşê tarixî yê Rayberê PKK’yî Abdullah Ocalanî pozîtîf û bi cesaret pênase kerd û dîyar kerd ke ganî dewleta tirke nê vengdayîşî ser o gamanê şênberan bierza.
Serekwezîrê verê yê Îtalyayî Massimo D’Alema ke wextê komployê mîyanneteweyî yê 1999î de serekwezîrê Îtalyayî bi, vengdayîşê ‘Komelo demokratîk û aştî’ yê Rayberê PKK’yî Abdullah Ocalanî beyanatêk da.
Serekwezîrê verê yê Îtalyayî Massimo D’Alema Ajansê Xeberan yê Îtalyayî (ANSA) rê qisey kerd û ard ziwan ke vendayîşê tarixî yê Rayberê PKK’yî Abdullah Ocalanî pozîtîf û bi cesaret o.
Massîmo D’Alema dîyar kerd ke vengdayîşê Rayberê PKK’yî Abdullah Ocalanî ser o ganî dewleta tirke game bierza û vat: “No averşîyayîşêko pozîtîf o, mesajêko bi cesaret o û ez hêvî kena ke hukmatê tirk û Erdogan do seba qedînayîşê nê şerê giran û demderg sey rayîrêko şênber bierjno. Heto bîn xoverdayîşê çekdarî ra fek veradano o semedî ra ganî heqê kurdan bêrê naskerdene.”
Massimo D’Alema ke teşrîna verêne ya 2024î de televîzyonê Medya Haberî rê qisey kerd, ard ziwan ke Serekê Dewletê Yewbîyayî yê Emerîkayî (DYB) yê ê wextî Bill Clinton ey gêrabî û ey ra vatbi ke, ‘Ocalan bidê Tirkîya.’
