Fermandarê QSD’î Mazlum Ebdî babeta entegerasyonî de va ke ê Şamî reyde pê ameyê û dîyar kerd ke QSD nê kesayetî do bi pêroyî sey hêzêk Artêşê Sûrîyeye de ca bigêro.
Fermandarê Qewetanê Demokratîkan ê Sûrîyeye (QSD) Mazlum Ebdî derheqê pêvînayîşê Şamî ser o Ajansa AP’î ra beyanetêk da û va ke babeta entegerasyonî de ê Şam reyde pê ameyê û dîyar kerd ke QSD nê kesayetî do bi pêroyî sey hêzêk Artêşê Sûrîyeye de ca bigêro.
‘Mekanîzma ronîya’
Ebdî wina va: “Bi hezaran lejker û qewetê ma yê zereyî est ê. Nê qewetî heme do Artêşê Pêroyî yê Sûrîyeye ra beşdar bibê. Şervanê û fermandarê QSD’î zî do şaxê artêşî de rolêko muhîm bigê ser xo. Meseleya şerkerdişî de tebrubeyê ma zaf o. Ganî seba heme şaranê Sûrîyeye rayberîyêka seyyewbînanî bêra awankerdene. Ma wazenê Sûrîyeye de Rayberîya Ademê Merkezî do biba. Wa selahîyet mîyanê merkez û eyaletî de bêro parekerdene. Eke sûrîyeyijî mîyanê xo de do pê bêrê, Tirkîya zî fek do mudaxaleyî ra biverado.”
