Fermandarê Pêroyî yê HSD’yî Mazlum Ebdî dîyar kerd ke Hukmatê Demkî yê Sûrîye dosyaya esîran vera înan sey şantaj xebitneno.
Fermandarê Pêroyî yê Hêzanê Sûrîya Demokratîke (HSD) ajansaê xeberan ê Haware rê qisey kerd. Mazlum Ebdî peymana 19ê adare û nuqatayî ke ganî biameyê caardene û esîrê ke destê hukmatê demkî de bêrê veradayena ser o tayê erjnayîşî kerdê.
Goreyê tayê çimeyan hûmara esîranê ke nêameyê veredayene derûdorê 400 yê. Înan ra tayê sîvîlê û tayê zî şervan ê.
10ê adare de grûba 1. ya esîran ke hûmara înan 100 kesî bî, vera 100 kesê nêzdê hukmatê ameyê veradayene. Grûba 2. zî 19ê adare de 300 esîran vera 300 esîrê hukmatê Sûrîya ameyê veradayene. Grûba 3. 11ê nîsane de 400 esîranê HSD’yî vera 91 esîrê hukmatî serbest ameyê veradayene. Grûba 4. zî 8ê gulane de serbest ameyê veradayene û hûmara înan zî 232 bî.
Tayê berpirsê hukmatê demkî da eşkerakerdene ke vernîya Roşanê Qurbanî ey do dosyaya esîran temam bikerê. Sewbîna Cagirê Wezîrê Pawitişê yê Hukmatê Demkî Sîpan Hemo eşkerayîyê xo de bale ante dosyaya esîran ser û vatibi îstîsmarkerdena keyeyê înan baş nîyo û îfade kerd ke hetê eleqedarî bi rayîrê fermî û asta wezaretî de xebetênê ke dosyaya esîran çareser bikerê.
Şaristananê Vakur û Rojhelatê Sûrîye û bi taybet herêmê Cizîr û Kobanê bi rojan o keyeyê esîran çalakîyanê nawnayîşî organîze kenê û wazenê ke esîrî înan bêrê veradayene.
