Serekê Pêroyî yê PDK’î Mesud Barzanî Cizîr de qisey kerd û va ke ey seba prosesî spasîya Abdullah Ocalan rê kena û ê amede yê ke piştgirî bidê prosesê aştîye.
Serekê Pêroyî yê Partîya Demokratîke ya Kurdistanî (PDK) Mesud Barzanî seba beşdarîya Sempozyûmê Melayê Cizîrî, serê sibayî Berê Sînorî yê Xabûrî ra ame Cizîrê Şirnexî. Mesud Barzanî Berê Sînorî yê Xabûrî de hetê Verfeka DEM Partîye Aygeş Dogan, Wekîlanê DEM Partîye yê Şirnexî Newroz Uysal Aslan û Mehmet Zekî Îrmez û raybaranê DEM Partîye yê Şirnexî ra ame pêşwazîkerdene.
Mesud Barzanî dima seba beşdarbîyayîşê sempozyumî, derbasî otelê sempozyumî bi.
‘Ma piştgerîya prosesî kenê’
Ewta de Serekê Pêroyî yê PDK’î Mesud Barzanî qisey kerd û şîîranê Melayê Cizîrî ra zî çend rise wend.
Mesud Barzanî ser prosesê ‘Aştî û Komelê Demokratîkî’ vindert û destnîşan kerd ke ê xeylê kêfweşî yê ke prosesê aştîye ameya destpêkerdene û wina va: “Ma spasîyê xo heme hetê piştgirîye danê prosesê aştîye, rê kenî. Bi xususî ma spasîyanê xo Birêz Ocalan û Birêz Serekkomar Erdogan rê kenê. Her wina çikê bikewo ser milê ma, ma amede yê ke hetkarîye bidê.”
