Hemverê ablûqakerdişê hukmatê Iraqî yê serê kampa Şehîd Rustem Cûdî yê Mexmûrî û tepiştişê welatijê kampe, çadire çalakîya ya şarê kampe domyeno.
Şarê Wargehê Multecîyan ê Şehîd Rûstem Cûdî (Mexmûr) hemverê ambargo, ablûqakerdişê wergehî ser, ancî tepiştişê heyetê nameyê şarî ser şîbî pêvînayîş, vizêrî heta verê berê nuqteya kontrolê hêzê Iraqî rayîr ra şîbî, tîya eşkerayîyêke dabî û nêzdîbîyayîşê xo ardî bî ziman.
Serê nêzdîbîyayîşê şarî, selahîyetdarê Iraqî neql kerdibî ke do endamê heyetê şîbî pêvînayîş, vera bidê la selahîyetdaran sozê xo ca nêard. Na çarçewa de semedo ke endamê heyetî nêameyî veradayîş, verê nuqteya artêşa Iraqî çadire amî ronayîş.
Çalakîya şarê Mexmûrî domyeno, welatijan heta serê sibayî tavistişê adirî ver de deyîran vanî. Çalakîya şarê Mexmûrî, bi qerardarîyêk xurt do dewam bikero. Ercê vatişî yo ke 10ê nîsane ra hukmatê Iraqî ambargo dayo wargehî ser, rayîr nêdano kelûpelê awanî, binesazgehî û ancî rayîr nêdano ke karkerî şêrê Bexda kar. Sewbîna Iraq nasnameyê şarê wargehe newe nêkeno û rayîr nêdano nêweşî zî şêrê nêweşxane.
