Hepsîyê Azadîye Dijwar Îsmaîl ê ke 33 serran hepisxaneyanê Tirkîya de têkoşîn dayo, Şorişê 19ê Temmuze şaran rê pîroz kerd û va: “Karakterê dişmenî zaf lêşîn o, gonê şarî rijneno. Karwanê azadîye meşîyeno ti kes nêeşkeno bido vindertiş.”
Hepsîyê Azadîye Dijwar Îsmaîl ê ke 33 serran hepisxaneyanê Dewlata Tirke de hepsî mendo, peynîya bi serran resa keyeyê xo yê dewa Sinceqa Sedûnî yê şaristanê Amûdî. Dijwar Îsmaîl hîsanê xo yê verba Şorişê 19ê Temmuze û nêzdîbîyayişê xo yê verba Dewleta Tirke bar kerd.
Dijwar Îsmaîl hîsê xo wina ard ziwan: “Ez nika xo mîyanê şorişî de vînena, hîsêko cîya yo finak volvanêkî rişyeno. Çikê ke nika warê xo de vîneno dilopêkî meşê azadîye yo.”
Wa pîroz bo
Dijwar Îsmaîl da zanayiş ke çikê ke nika mîyanê Şorişê 19ê Temmuze yeno dîyîş, netîceyê têkoşînê Hereketa Azadîye yo û wina domna: “Netîceyê vejyayişê Hereketa Azadîye de zafêr şoriş vejyayê werte, Şorişê Rojawanî şorişêko newe yo Hereketa Azadîye yo. No şoriş mîyanê xo de armancê azadîya şaran û ya cinî hewîneno, ez şorişê heme şarê pêrabesteyê cîya yê Rojhîlatê Mîyanênî, Kurdistanî û dinyaye pîroz kena.”
Mîyanê qiseyê xo de Dijwar Îsmaîl bal ant ser sûcanê Dewleta Tirke û dîyar kerd ke karakterê dişmenê zaf lêşîn o, her ray bi awayêko cîya vejîyeno, verba merdimîyeyî yo û wina qedîna: “Gonê şaran rijneno. Ma do bi têkoşînê xo yê şaran û cinîyan no hovitîye werte ra wedarnê. Muhakkak no yo bi fikr û ramanê serekîye pê bêro, karwanê azadî meşîyeno ti kes nêeşkeno bido vindertiş.”
