Muhafizanê Şorişî yê Îranî dîyar kerd ke Neqebê Hurmuzî bi temamî binê kontrolê înan de yo û her keştîyêk kendawe ra vîyara, do biba hedefê înan.
Goreyê medyaya Îranî, Berpirsê Hêzê Deryayî yê Muhafizanê Şorişî Zarî Mihemed Ekberzade dîyar kerdo, Neqebê Hurmuzî nika bi temamî binê kontrolê înan de yo û keştîyêka de cehd bikera vîyara, do biba hedefê înan.
Neqebê Hurmuzî ke Kendawa Basra û Kendawa Uman û deryayanê akerdeyan reyde girêdana, sey rayîrêkê awe yo stratejîk o ke beşêko muhîm ê bazirganîya petrolî ya dinya uca ra vîyarena. Pisporî dîyar kenê ke girewtişê kendawe eşkeno bazarê dinya de vernîya bedilîyayîşanê cidî akero.
