• Kurmancî
  • Kirmanckî
  • |
  • Derbarê Me De
  • |
awelatnavend@gmail.com
Ajansa Welat
10 TEBAX 2025
No Result
View All Result
  • ROJEVE
  • CINÎ
  • EKONOMÎ
  • POLÎTÎKA
  • EKOLOJÎ
  • CIVAK
  • WEŞÎYE
  • CÎHAN
  • FORUM
  • HUQÛQ
  • KULTUR
  • RESIM
  • HEME XEBERÎ
  • ROJEVE
  • CINÎ
  • EKONOMÎ
  • POLÎTÎKA
  • EKOLOJÎ
  • CIVAK
  • WEŞÎYE
  • CÎHAN
  • FORUM
  • HUQÛQ
  • KULTUR
  • RESIM
  • HEME XEBERÎ
No Result
View All Result
Ajansa Welat
No Result
View All Result

Mûm ra berhemê kulturî afernenê

Merkezê Xeberan / AW

10 TEBAX 2025 - 09:00
Kategorî: KIRMANCKÎ - FORUM, KIRMANCKÎ - KULTUR, KIRMANCKÎ - MANŞET
A A
Silêmanî de di wayî pîya, heykelanê kesayetîyanê namdaran ê hunerê kurdkî mûm ra virazenê û wayîrê markayêka bi nameyê ‘Şamaran Kandil’ ê. Her di wayan huner û marîfetê xo derbasê domanan kenê.

Mûm çimeyêko roşnayî yo. Zafêrî bi hawayêk silindirikî yo ke, bi wişkkerdişê parafînî, şemayê (mûmê hingimênî) yan zî yew maddeyo ke sey ey o, dormeyê fitîlî de yeno viraştiş. Mûmî hem semedê roşnayîdayîşî hem zî semedê xemilnayîşî yenê şuxulnayîş. Tarîxêko 5 hezar serrî yê ci esto ke hetê Misirijan ra ameyo keşfkerdiş û Romayijan aver berdo. Verê vejîyayîşê elektrîkî, seba roşnayîdayîşî ameyêne gurênayîş. Labelê dewrê ewroyî de zêdetir seba xemilnayîşê keyeyî û boyweşîye yeno şuxulnayîş.

Şaristanê Silêmanî de, di wayanê bi nameyê Reyan Yusif a 7 serre û Îman Yusif a 19 serre, pîya heynê xo yê domanîye ard ca. Reyan û Îman di serrî yo ke şaristan de bi nameyê Şahmaran Mûm (Shamaran Candle) yew atolyeya kulturî akerda. Cayêk seba dîzaynkerdiş, viraştiş û rotişê mûman awan kerdo.

Reyan û Îman xeyalanê xo yê domanîye pîya bi viraştişê mûman kerdê çimeyê debarê xo. Her çiqas hewn û armancê înan giran û zehmet bo zî, bê ke fek ci ra veradê û bi bawerî gameyanê xo dewam kenê.

A wayan ra yewe, Îman Yusif derheqê destpêkerdişê xebatanê xo de qala Rojnewsî kerde. Îmane da zanayîş ke her di wayî emrê xo yê qijkekî ra nata, estbîyayîşê mûman ê zereyê keyeyî ra hez kenê. Teberê naye de hewesêko xusûsî yê înan seba materyalanê mûman estbi û dima têhesyayê ke ê maddeyê ke mîyanê mûman de yenê şuxulnayîş, zerardar ê. Înan zî yew îcadêko weş ser o fikirîyayê.

Sey ke Îman Yusif bi xo vana: “Maddeyê ke ma tîya şuxulnenê, tebîî yê û dostê çorşmeyî yê. Maddeyanê zerardaran ra ke seba bedenê merdimî zerar ê, dûrî yê.”

Hetê bînî ra, çîyo ke berhemanê înan cîyatir û rengîntir keno, o yo ke înan kulturê kurdan xo vîr ra nêkerdo û resenîya muhrê kurdkî heme berhemanê înan de asena û reng dana. Înan heykelê kesayetîyanê namdaran ê kurdan sey Şêrko Bêkes, Ahmed Kaya, Mestûre Erdalanî, Hesen Zîrek û şaîr Nalî mûm ra virazenê, bi no hawa neslanê ke do bêrê, danê şinasnayîş.

Usilê viraştişê mûman goreyê pîlîye û şêwazê mûmî vurîyeno, viraştişê mûmanê qijkan wextêko kêmtir gêno. La amadekerdiş û wişkbîyayîşê mûmanê ke bi maddeyanê zêde û pîltir virazîyenê, demêko derg gêno. Labelê her di wayî hez kenê ke rengan têmiyan kenê û hûrdemanîyanê cîyayan şuxulnenê ke tebîî biasê.

Îman Yusif dewamê qiseykerdişê xo de vat: “Rojane 8 saetan kar kenê û seba ke ma karê xo ra hez kenê, nêqedîyenê. Her cinîye wayîrê hêz û îradeyê xo ya ke biresaya heme armancanê xo. Ma hem zî hetkarîya her cinîye kenê ke wazena payanê xo ser o vindero û xîret kena ke wayîrê aborîya xo ya xosere biba.”

Îman Yusif û Reyan Yusif pîya bi viraştiş û rotişê berhemanê xo, seba domananê heft heta çeharês serrî yew kurs pîya akerdo ke ê zî bimûsê mûman virazê û dîzayn bikerê.

Tags: hunerÎman YusifkirmanckîmûmeReyan YusifZazaki
ShareTweet

Nûçeyên Din

Bedilnayîşê meteryalanê perwerdeyî de qonaxê diyîne temam bi

Bedilnayîşê meteryalanê perwerdeyî de qonaxê diyîne temam bi

10 TEBAX 2025
Hukmatê Şamî pêvînayîşanê Parîsî ra xo ant

Hukmatê Şamî pêvînayîşanê Parîsî ra xo ant

9 TEBAX 2025
‘Rojhelat de yewîya kurdan nêbo, azadîya neteweyî nêeşkena bêro ca’

‘Rojhelat de yewîya kurdan nêbo, azadîya neteweyî nêeşkena bêro ca’

9 TEBAX 2025
Trump û Putîn do Alaska de bêrê têhet

Trump û Putîn do Alaska de bêrê têhet

9 TEBAX 2025
Şaredarîya Cizîrî rîyê sazîyanê dewlete nêeşkena xizmetê şarî bikero

Şaredarîya Cizîrî rîyê sazîyanê dewlete nêeşkena xizmetê şarî bikero

9 TEBAX 2025
‘May û pîyê mi çi heşîrîyê dîye mare vatêne’

‘May û pîyê mi çi heşîrîyê dîye mare vatêne’

9 TEBAX 2025

ÊN ZÊDE HATINE XWENDIN

    ARŞÎV

    • TEBAX 2025 (75)
    • TÎRMEH 2025 (299)
    • HEZÎRAN 2025 (257)
    • GULAN 2025 (334)
    • NÎSAN 2025 (265)
    • ADAR 2025 (317)
    • SIBAT 2025 (317)
    • ÇILE 2025 (298)
    • KANÛN 2024 (293)

    Ajansa Welat, bi nûçeyên taybet, dosya, lêkolîn, dîmen û deng civakê agahdar û ronî dike.

    Bi şîara agahiyên rast û objektif weşanê esas digire, li ser şopa heqîqetê agahiyan belav dike.

    Ajansa Welat bi nûçe û naverokên xwe dibe deng û rengê welat.

    Xwediyê Îmtîyazê: Fahrettîn Kiliç

    Berpirsiyarê Karên Nivîsan: Medya Bal

    Navnîşan: Fırat Mahallesi, 553. Sokak, Tanlar Şehri Teras Evleri, B Blok,
    Kat: 5 - No: 40, Kayapınar, Diyarbakır

    Telefon: +90 (532) 519 37 73

    E-mail: awelatnavend@gmail.com
    Malper: www.ajansawelat.com
    Twitter Youtube Instagram
    • Serrûpel
    • Têkilî
    • Derbarê Me De

    © 2024 Ajansa Welat ● Yekemîn Ajansa xwerû Kurdî ● Hemû maf parastî ne

    No Result
    View All Result
    • HEME XEBERÎ
    • KURMANCÎ

    © 2024 Ajansa Welat ● Yekemîn Ajansa xwerû Kurdî ● Hemû maf parastî ne