Şaredarîya Amedî ya Şaristanê Girdî, seba hamnanî kursanê huner û ziwanî yê bêpereyan do organîze bikero.
Serekîya Daîreya Xebatanê Kultur û Komelkîyan, aşmanê hamnanî de warê ziwan, mûzîk û hunerê dîyayîşkîyan de kursanê cîya-cîyayan do organîze bikero ke şar bêheq tira îstîfade bikero.
3 kategorîyan de 17 kursî do bêrê dayene
Kursanê ziwanan de lehçeyê Kurmancî û Kirmanckî yê Kurdî de daraxê A1 û A2 de do perwerde bêro dayene.
Kursanê mûzîkî de keman, ney, bilûre, klarnet, gitar û tenbûr do bêro dayene. Warê huneranê dîyayîşkîyan de zî dersê resmî, seramîkî û cam fuzyon ca gênê.
Seba gedeyan zî kursê rindekî bi grûbanê emrê cîyayî (4-7) do bêrê organîzekerdene.
Muracatî do onlayn bêrê girewtene
Êyê ke wazenê kursan xo qeyd bikerê, şênê adresa www.dismek.org.tr ra muracatê xo yê onlaynî bikerê.
