Muracatanê seba Xelatanê Rojnamegerîye yê Mûsa Anterî û Şehîdanê Çapemenîya Azade yê 32. dest pêkerdî.
Muracatanê seba “Xelatanê Rojnamegerîye yê Mûsa Anterî û Şehîdanê Çapemenîya Azade” ke her serre seba yadkerdişê rojnameger-nuştox Mûsa Anter (Apê Mûsa) û xebatkaranê Çapemenîya Azade yê ke wextê karê xo ser o cuya xo vîndî kerda, organîze bena, dest pêkerd. Musabeqa hetê Rojnameyê Yenî Yaşamî ra yena organîzekerdiş û emserre musabeqeya 32. do bêra viraştiş.
Musabeqe, beşanê “Xebera Kirmanckî/Zazakî û Kurmancî”, “Xebera Tirkî”, “Vîdeo û xebera bi dîmen”, “Fotograf (Foto-xeber)”, “Karîkatur” û “Rojnamegerîya cinîyan” de yena viraştiş. Her beşdar eşkeno tena yew beş de û bi yew eserê xo beşdarê musabeqe bibo.
Roja peyêne ya muracatan sey 10ê êlula 2025î ameye eşkerakerdiş. Eserê ke ameyê weçînayîş do 18ê êlule de bêrê aşkerekerdiş. Xelate zî do tarîxê de ke rojname do eşkera bikero, bi merasîmêk bêrê dayîş.
Şertê beşdarbîyayîşî
Şertê ke seba beşdarbîyayîşî ameyê dîyarkerdiş nê yê:
Goreyê şertanê şertnameyê teknîkî yê musabeqe ke ameyê dîyarkerdiş, her keso ke nê şertan bîyaro ca eşkeno beşdarê musabeqe bibo.
Tena endamê heyetê weçînayoxî (jurî yê) û xebatkarê rojnameyê Yenî Yaşamî nêeşkenê beşdarê musabeqe bibê.
Ganî esero ke erşawiyeno verê cû neşr nêbîyo bo, yanî beşdar bi o eser beşdarê musabeqeyêka bîne nêbîyo bo û ganî badê 10ê Êlula 2025î ra neşr bîyo bo.
Beşdarî eşkenê bi eserê xo yê ke demanê verênan de û musabeqeyanê ke wextê na musabeqe ameyê viraştiş de xelate nêgirewta û mojnayîşê ci nêbîyo, serî bidê.
Eke yew esero winasî vejîyo, derheqê beşdarî de do muameleyê îxlalî bêro kerdîş. Xelata ke bigîro do bêro betalkerdiş. Eke beşdarî xelate girewta, ganî heyetê musabeqe rê apey bido. Eke beşdarêk eserek bierşawo û o eser ê ey/aye nêbo û mudaxeleyêk û xapênayîşêk vera endamanê jurî bikero, derheqê beşdarî de do muameleyê îxlalî bêro kerdîş.
Her beşdaro ke eser bierşawo musabeqe rê, ganî her şertê ke şertname de yê qebul bikero. Beşdarê ke goreyê nê şertan tê nêgerê, do teberê musabeqe de bêrê veradayîş.
Eke eser neşr nêbîyo, nameyê eserî, cayê ke tede girewto ya zî cayê ke tede viraşto û tarîxê ci binuso; eke eser neşr bîyo, ganî nameyê rojname, kovar, ajans, keypela înternetî, TV’yî û malumatê tarîxê weşanî û yew kopyaya weşanî dosya de ca bigîro.
Beşdarî ganî cuname (bîyografî), adresê xo (telefon) û nuşteyê malumatanê derheqê eserî de û yew fotografê xo dosyayê muracatê ser o zêde bikerê.
Eserê ke ameyê erşawitiş do wayîranê înan rê apey nêrê dayîş û rojname eşkeno weşan bikero.
Formatê erşawitişî
Beşdarî eşkenê bi eserê xo yê ke kategorîyanê sey polîtîka, ekonomî, ekolojî, perwerde, weşî, komel-cuya, kultur-huner û spor de yê, beşdarê musabeqe bibê.
Eke xebera ke do bierşawê musabeqe rê medyaya nuştekî de weşanîyaya, ganî bi formatê PDF; eke medyaya înternetî de weşanîyaya, ganî bi formatê Word adresê e-maîlî yê ke cêr de nuşte yo rê bierşawê.
Vîdeo û xeberê bi dîmenî zî ganî bi rayîrê Wetransferî bêrê erşawitiş. Ganî lînkê xeberanê ke serê medyaya înternetî de weşanîyayê zî bêrê erşawitiş.
Beşê fotografî
Kuncikê çepî yê cêrînî yê hetanê peyî yê xebatanê ke seba musabeqe ameyê pêşkêşkerdiş de do name û peynameyê wayîrê eserî û nameyê xebate bi etîketêk bêro nuştiş. Wextê antişê fotografî, ganî bi ca û nameyê xebere ye bêro dîyarkerdiş. Beşê fotografî de ganî ebadê eseran, hetêko kilm tewr tay 2000 pîksel, formatê JPG de, 300 DPÎ de û qalîteya tengkerdişî ya 12. de bêro pêşkêşkerdiş. Eke heyetê weçînayoxî avzel bivîno, eşkeno waştişê fotografê orîjînalî bikero. Fotografê ke ser o kay bîyo û bi hawayêk ke raştîya ci ameya bedilnayîş (bê ronayî, reng, eyaranê kontrastî) do nêrê qîymetkerdiş. Fotografî bi formatê JPG eşkenê adresê e-maîlî yê ke cêr de dîyar bîyo rê bêrê erşawitiş. Ganî fotografî “fotografê xeberan” bibê.
Beşê karîkaturî
Nameyê eseranê ke seba musabeqe ameyê erşawitiş, do kuncikê çepî yê cêrînî yê peyê eserî de bi etîketêk bêrê nuştiş. Xêzker teknîka ke bi kar ano de serbest o. Labelê ganî eserî orîjînal bê. Eserê çapkerdeyê dîjîtalî, bi şertê ke bi îmzaya hunermendî (îmzaya şil) bibê, yenê qebulkerdiş. Ebadê karîkaturî ganî tewr tay A4 (21 cm × 29,7 cm) û tewr zêde A3 (29,7 cm x 42 cm) bo û ganî bi zeminêk nêkerîyo. Karîkaturî eşkenê bi formatê JPG adresê e-maîlî yê ke cêr de dîyar bîyo rê bêrê erşawitiş.
Endamê jurî
Jurîyê Xeberanê Kirmanckî/Zazakî û Kurmancî: Sîma Birokê, Munevver Karademîr, Îdrîs Kara, Bişar Durgut û Ramazan Olçen.
Jurîyê Xeberanê Tirkî û Xeberanê bi Dîmen û Vîdeo: Farûk Bîldîrîcî, Alî Dûran Topûz, Banû Guven, Candan Yildiz, Nezahat Dogan û Mehmet Alî Çelebî.
Jurîyê Xeberdarîya Cinîyan: Arjîn Dîlek Oncel, Derya Ceylan, Elîf Ekîn Saltik, Gulfem Karataş û Bîrcan Degîrmencî.
Jurîyê Fotografan: Ramazan Ozturk, Oznûr Deger, Salih Yeşîl, Ozcan Yaman û Mûrat Baykara.
Jurîyê Karîkaturan: Kemal Gokhan Gurses, Erceren, Asli Alpar û Ronî Batte.
Adresê muracatî:
Adresê ke eserî do înan rê bêrê erşawitiş:
e-posta: apemusaozgurbasin@gmail.com
Telefon: 0 212 252 83 99 – Faks: 0 212 252 83 90
Adres: Taxa Şehîd Muxtarî Kolana Bekarî No: 7/3 Beyoglû/Stenbol
