Cagirê Serekê Amerîka JD Vance dîyar kerd ke dayîşûgirewtişê ke Îslamabad paytextê Pakîstanî de, mabenê Amerîka û Îranî de nêresa netîceyeke û pêameyîşêk nêvirazîya.
Vizêrî Îslamabad ê paytextê Pakîstanî de, mabenê DYA û Îranî de pêvînayîşê krîtîkî seba aştî dest pê kerdbî.
Badê dayîşûgirewtişan, Cagirê Serekê Amerîka JD Vance eşkerayîyêk da. DJ Vance dîyar kerd ke ê Pakîstan ra vejênê la “Ma peşnîyazê tewr baş û peyênî” daye Tehranî.
Vance vat, seba pêkerdişî nê pêşnîyazê înan yê tewr baş û peyênî yê û dewam kerd: “Ma do bivîne gelo do Îran qebul bikero yan ney. Bi rastî lazimo ma bi sozê Îranî bawer bibê ke ey pey çekanî nukleerî nîyê.”
Îranî zî derheqê muzekkereyî da eşkerayîye da
Verfekê Wezaretê karanê Teberî yê Îranî zî saetanê serê sibayî de eşkerayîyêk da. Eşkerayîye de dîyar kerd ke serkewtişê dayîşûgirewtişê aştî yê mabenê DYA û Îranî de bi dûrbîyayîşê Washingtonê waştişan ra “zêde” û “bêqanûn” ra girêdayeyê.
Ajansê xeberan ê Tasnîm yê ke nêzdîyê Pasdaranê Şorişî yo, dîyar kerd ke waştişê Amerîkayî vernîya pêameyîşêko hemparî gêno.
