Ame zanayene ke hêrişê teyareyanê şer yê dewleta tirke yê Akrê de Cefer Celal Xalid Zebarî û Tutê Akreyî ke cinî û camêrdê yewbînan ê, ameyê kiştene.
Saetanê nêmrojî de teyareyê şer yê dewleta tirke sînorê dewa Şehî ya ke girêdayeyê Akrê ya, bomberduman kerd. Netîceya hêrişî de 2 welatîyê ke zewijnayeyî ameyê kiştene.
Rojnewsî xo resna nasnameyanê ê kesan ke hêrişî de dinyaya xo bedilnaye. Hêrişî de Cefer Celal Xalid Zebarî û Tutê Akreyî ke cinî û camêrdê yewbînan ê ameyê kiştene û ame zanayene ke ê şarê dewa Bamişmiş ê û karê heywandarîye kenê.
