Sekreterê Pêroyî yê NATO’yî Mark Rutte paştîdayena NATO’yî seba hêrişan ê serê hêzê atomî û fuzeyan yê Îranî eşkera kerd ke mîyanê endamenê NATO’yî de paştîdayene ke hîrayêr seba Amerîka û Donald Trump est a.
Şerê Îsraîl-DYA û Îranî roja 6. de dewam keno. Sekreterê Pêroyî yê NATO’yî Mark Rutte ke keyepelê xeberan ê Newsmaxê rê qisey kerd, derheqê paştîdayena endamanê NATO’yî seba hêrişan ê vera Îranî mesajê muhîmî dayî. Mark Rutte eşkera kerd ke hetê ra rexneyê tayê serekanê Ewropa yê serê operasyonê vera Îranî estê heto bîn ra paştîdayenêka hîra yê endamanê NATO’yî seba hêrişê Serekê DYA’yî Donald Trump yê serê hêzê atomî û fuzeyanê Îranî est a. Rutte vîr vist ke NATO tewrê operasyonî nêbîyo û wina vat: La dîyar o ke muttefîqê NATO’yî bi detayî paştîdayena karo ke Donald Trump bi ca ano, kenê.”
