Kitabê bi nameyê “Hurrem: Tarîx de komunîst raybara yewin” Weşanxaneyê Aramî ra vejîya. Bi kalemê Şiyar Paluyî kesê ke no kitabî biwanê do hem xoverdayişê Hurreme hem zî bizanê ke Mazdek Hemedanî, Hurrema yewin a.
Her kes Mazdek musayo çimkî, Mazdek her tim seyyewbînanî pawito la kes verba sasanijan xoverdayişê Hurreme nêzano. Tarîx de her tim cinîyan binê sîya camêrdan de ameyê nîşandayiş û waştî Hurreme zî sey cinîyê bîn bêqewet nîşan bidê la Hurrem nê 1500 serrê ke nêame vîrakerdêne la weş zî nêame şinasneyêne.
Şiyar Palu, waşt xoverdayişê cinîye weş bivejo werte, no ser 352 rîpel Kitabê bi nameyê “Hurrem: Tarîx de komunîst raybara yewin” Weşanxaneyê Aramî ra vet. Şiyar Palu, Tîzpon ra hetanî Gundişapurî ra, uca ra Xorasanî zî tewro peynî Koyê Medan ê Elburzî de sîyê Hurreme gêreno.
Bi no romanî wendoxan do fam bikê ke Hurreme bi têkoşînê xo senî dewan ra hetanî sarayî bandor kerda. Kênayê Husrevo diyine, qralîçe Purandoxt û Azarmîdoxt îdarekerîya Hanedanê Sasanîyan kerdê, nê qralîçe seba ke estora Hurreme ya, estora ‘Muhur’ danê kiştene la bi kulturê Hurreme zî welatê xo îdare kerdê.
Verba zilmî bi feraseto exleqî têgêrayiş
Rîpelo peynî yo kitab de wina yeno nuştene: “Demê homayane ra pey sifte û peynî dîn, dînê Hurreme yo. Manevîyato berz, bextewerîya komelî her tim pawitene, bi têkoşînê xo rayberîya cinîye dabî musnayene. Bawerîya dînî berz kerdêne la bawerîya koleyîye zî red kerdêne. Bi exleqî zî sey xoverdayiş name kerdêne.”
Hetanî nika heqê Hurreme de kitabo yewin, kitabê Şiyar Paluyî yê ““Hurrem: Tarîx de komunîst raybara yewin” o.
