Temsîlkarê Vakur û Rojhelatê Sûrîye bi babeta Heleb de kêmkerdişê kaosî û caardişê bendanê peymana derheqê taxanê Şêxmeqsûd û Eşrefîye de, vizêr temsîlkaranê hukmatê demkî yê Sûrîye reyde kom bîyê.
Bi amancê Heleb de kêmkerdişê kaosî û caardişê bendanê peymana derheqê taxanê Şêxmeqsûd û Eşrefîye de, vizêr şand temsîlaranê Vakur û Rojhelatê Sûrîye û temsîlkaranê hukmatê demkî yê Sûrîye şaristanê Heleb de kom bîyê.
Goreyê agahîyanê Ajansê ANHA’yî pêvînayîşî de berpirsîyarê Rayberîya Xweser a Demokratîk a Vakur û Rojhelatê Sûrîye, Fermandarê HSD’yî û hûmarêk rayedarê hukmatê demkî amade bîyê.
Kombîyayîşî de kaosê peyên ke Heleb de qewimîya, têgêrayîşê hêzê hukmatê demkî derûdorê taxanê Şêxmeqsûd û Eşrefîye, domnayîşê caardişê bendanê Peymana 1ê Nîsane ya derheqê her di taxan de, ameyê qiseykerdene. Reyna behsê mekanîzmayê awankerdişê komîteyanê caardişê peymane ameyo kerdene.
Her di hetan vindertişê kaos û têgêrayîşê leşkerî yê hêzanê hukmatî derûdorê her di taxan û organîzekerdişê kombîyayîşanê mabênê komîteyanê berpirsîyar ê her di hetan ser o pêkerdo.
