Rayverê Şarê Kurdî Abdullah Ocalan Abdullah Ocalanî, kongreya PKK’î ya 12. ya bêhempa ya ke 5-7ê Gulana 2025î de ameyêne kerdene, perspektîfo polîtîk şawit. Ey va ke mesele bi tena xo betalkerdiş nîya, çimkî merdim tena behsê yew awanî nêkeno.
Rayverê Şarê Kurdî Abdullah Ocalan Abdullah Ocalanî, kongreya PKK’î ya 12. ya bêhempa ya ke 5-7ê Gulana 2025î de ameyêne kerdene, perspektîfo polîtîk şawit. Rayverê Şarê Kurdî Abdullah Ocalan persfektîfê xo va ke: “Ma behsê vîr û kesayetîya kokî ra vurnayîşî kenî.” Ey qeyd kerd ke seba ke pêvajo bi hawayo weş aver şiro û netîce bigîro, gereka merdim lez nêkero. Hukûmet yan zî dewlete wazena ke sey bêçekbîyayîşî nîşan bida. No hawayo raşt nîyo.”
Rayverê Şarê Kurdî Abdullah Ocalan, verî ke ‘demê newe û akerdiş’ nîşan bido, muhîmîya pêvajoya rexne-xwe-rexneyê cîdî yê ke gereka bêro kerdene, ser o tehlîl kerd. Ey, saziyê ke akerdişê neweyî de rolê qetî bigîrî, wina rêz kerdî: “Kulturê şorişgêrî, awankerdişê saziyanê demokratîkan, saziyê miletê demokratîkî, saziyê cigêrayîşî, saziyê ziwanî, rolê qetî bigîrî.”
Dima ke Abdullah Ocalanî vengdayîşê ‘Aştî û Komelê Demokratîkî’ kerd, PKK, mabênê 5-7ê Gulane de Kongreya xo ya 12. ya bêhempa arê kerde û qerarê fesîhî girewt. Rayverê Şarê Kurdî Abdullah Ocalan Abdullah Ocalan, seba kongre di belgeyê cîyayî amade kerdî û pêşkêş kerdî. Rojnameyê Serxwebûnî, hûmara xo yê xatirwaştişî de, belgeyê 21 rîpelînî yê ke Rayverê Şarê Kurdî Abdullah Ocalan Abdullah Ocalan, 25ê Nîsanî de nuştbî, weşan kerd. Belge, dikanê ra pêro ajansanê kurdan de zî sey metno tam amade kerdî. Rayverê Şarê Kurdî Abdullah Ocalan Abdullah Ocalan, bi raverşîyayîş û 7 sernamayanê serekeyî de, mecburîyetê dewrê neweyî îzah kerd.
Nasname û demokrasî
Rayverê Şarê Kurdî Abdullah Ocalan Abdullah Ocalan, qeyd kerd ke PKK, înkar bi yew xoverdayîşê pîlî pûç kerd; nasnameyê kurdî sey rastîyeka tarîxî-komelkî eşkara kerd û dost û dişmenî ra qebûl kerd. Ey va ke, “No kar bi tena xoverdayîşî nêbeno. Akerdişê neweyî de kulturê şorişgêrî, awankerdişê saziyanê demokratîkan, saziyê miletê demokratîkî, saziyê cigêrayîşî, saziyê ziwanî rolê qetî bigîrî. Kurdî xo bi serê miletê demokratîkî, eko-ekonomî û komunalîzmî ra azad bikerî, yew cuya herdem akerî û qetî bikerî. Yew sebebê temamkerdişê muddetê PKK’î zî, xoverdayîşê derûnî serkewtiş o. Demê ma yê verî, demê xo akerdişî yo. No zî Aştî û Komelê Demokratîkî hewce keno. Nika ma yew astî de yî.”
‘PKK û Fesîh’
Rayverê Şarê Kurdî Abdullah Ocalan Abdullah Ocalan, bînê sernameyê ‘PKK û Fesîh’ de, ard vîrî ke serê 90î de bi rijyayîşê sosyalîzmê reelî, PKK bingeha xo ya îdeolojîk vînî kerdbî; çimkî PKK goreyê perspektîfê têkoşînê sosyalîstê reelî ra ameybî rêxistin kerdene û şekil girewtbî. Na mena de Rayverê Şarê Kurdî Abdullah Ocalan qeyd kerd ke PKK bi serê 90î ra yew krîzê îdeolojîkî rê kewt. Ey va ke, “La ney krîzî ra tay, bi rêça xo ya netewe-azadîye ya sosyalîstî ra xo ser raşt girewt. Hereketê ma yê ke newe û averşîyayeyî bî û hewcekerdişê azadîya neteweyî û motivasyonî ey ser raşt girewt. Ma na rêç de dewam kerd û ma dayî dewam kerdene.”
Serrê krîzê îdeolojîkî
Rayverê Şarê Kurdî Abdullah Ocalan: ” Ma mabênê 1990-2000î de serê îdeolojîkî ra krîzî yew demê pîlî derbas kerd. Pêvojoya Îmralî de, netîceyê yew konsantrasyonê hera yê ke pêro na meseleyan zî cîhet kerdî, seba re-organîzasyono îdeolojîk û stratejîk yew berheme muhîm akerdî.”
Yew hîlîya rexne-xo-rexneya gird
Rayverê Şarê Kurdî Abdullah Ocalan venga da ke PKK de rexneyê cîyayî bêrî kerdene û rexneyê xo aver şirî. Ey ser o tehlîl kerd ke: “Têkoşînê 50 serrî, bi hawayo pozîtîf-negatîf, yew hîlîya rexne-xwe-rexneya gird ra beno. Ma vînenê ke rexne-xwe-rexneya îçêkî gereka reyna û bi kokî ra bêra kerdene. Ma behsê vîr û kesayetîya kokî ra vurnayîşî kenî. Newe awankerdiş zafêr wina mumkun beno. Mabênê ney de belkî çend aşmî hewce kenî. Seba ke pêvajo bi hawayo weş aver şiro û netîce bigîro, gereka merdim lez nêkero. Hukûmet yan zî dewlete wazena ke no sey bêçekbîyayîşî nîşan bida. No hawayo raşt nîyo. Ma ê raştîye eşkenî. Demê neweyî ra vato, talebê ma yo, la no bi tena xo nêbeno bi hawayo ke ê wazenî. Ma na bare de hem teorîk hem zî polîtîk averşîyayîşê xo kerdî, tecrubeyê ma arê bîyî. Yew xebata vurnayîşî ya ke demê dergî ra verî dest pêkerdo, est a.”
Hîrê payê demê neweyî
Rayverê Şarê Kurdî Abdullah Ocalan, ‘komelê demokratîkî’ sey programê sîyasî yê nê demî pênase kerd. Ey va ke, “Perspektîfê ma yê demê neweyî, akerdişê komelî yo bi serê miletê demokratîkî, eko-ekonomî û komunalîzmî. Hîmeyê felsefî yê nê akerdişî, boyutê îdeolojîkî û çarçeweya konseptual-teorîk a ke seba ke komelo hîra de bêro caardene, verê ma de raşt ê. Xebata ma ya dewamî de ma pêro nê meseleyan sernavanê serekeyan û bin-sernavan de de cîhet kenî. Na çarçewa de ma hem programatîk hem zî stratejîk-taktîk çarçeweya xo belî bikerî.”
Şansê Tirkîya
Rayverê Şarê Kurdî Abdullah Ocalan, îhtîmadê xo yê serkewtişî û hêvîya xo ya berzî nîşan kerd. Ey wina çîyayî zêdî kerdî: “Serkewtişê ney, tena seba Kurdan û Kurdîstanî nê, seba herêmî zî serkewtişanê muhîman rê raşt keno. Yew serkewtişê ke tîya de bêro caardene, Sûrîye, Îran û Iraq zî raşt keno. Seba Komara Tirkîya zî hem xo newe kerdiş, bi demokrasî tacîbîyayîş hem zî herêmî de pêşengîye kerdiş, yew şans ameyo akerdiş.”
Çar madeyî yê sebebê fesîhî
Rayverê Şarê Kurdî Abdullah Ocalanî, seba ke PKK kongreya xo ya 12. ya bêhempa de qerarê fesîhî bigîro, çar sebebê esasî pêşkêş kerdî. Rayverê Şarê Kurdî Abdullah Ocalan, 27ê Şibatî de, bînê vengdayîşê “Aştî û Komelê Demokratîkî” de va ke muddetê PKK temam bîyo û veng da: “Sey her komel û partîya modern a ke heyatê xo bi zorî nêqedîyayo, bi hawayo zerrîwaştane kongreya xo arê bikerî û qerar bigîrî; pêro grûban gereka çekan veradî û PKK gereka xo fesîh kero. Ma yew dewrê tarîxî rê dest pê kenî, ma wazenî ke sosyalîzmê bi armancê milet-dewlete ra sosyalîzmê komelê demokratîkî rê, yew dewrê tarîxî rê dest pê bikerî.”
Rayverê Şarê Kurdî Abdullah Ocalan, “Yew dem bi çar sebebanê esasî ra gereka binê verdîş de bimano” û wina rêz kerdî:
“PKK, bi na eslî ra, muddetê xo temam kerdo, coka gereka bi hawayo fermî zî bêro fesîhkerdiş. Na mena de; hûyayîşê sosyalîzmê reelî bi sebebê îçêkî, hewcekerdişê akerdişê rêça sosyalîzmê neweyî, nasîyîşê nasnameê Kurdî û caardişê ey est o. Têkoşînê çekdarî, yew stratejîya ke bi armancê milet-dewlete raşt ameybî û na armanc ra kewtiş û vera programê komelê demokratîkî derbazbîyayîş, hewce keno ke sîyasetê demokratîkî û hukmî ser o bêro, coka gereka destî ra bêro veradîyayîş. Cayê ey, nasîyayîşê heqê sîyasetê demokratîkî û yew garantîya hukmî ya zaf-temamî ya.
Pêro dîyalog û pêvînayîşî yê bi dewlete ra, bi nameyê PKK’î yê fermî qebûl nêbenî, coka sey yew unsurê muhîmî ra ameybî rojeve ra, fesîh hewce yo. No sey yew netîce zî vînî beno ke bi hesaba rayaumûmî ameyo. Seba ke yew dewrê tarîxî yê neweyî, “Aştî û Komelê Demokratîkî” rê bêro derbazbîyayîş, hewce yo. Hem sey hîmeyî hem zî sey formî, kongre qerarê xo yê demê verî, programê komelê demokratîkî, sîyasetê ey û hukmê ey ser o bigîra, ez bawer kenî ke na qerar tarîxî yo û ez wazenî ke serkewte bibo.”
