Rayedarê DAD’î û Nuştox Ferbaba Firat vat ke vengdayîşê Birêz Ocalanî zaf bi qiymet û avzel o, no ser ganî hetkarî bêro dayene.
Vengdayîşê Rayberê PKK’î Abdullah Ocalan raya pêroyî ya Tirkîya de elaqaya gird dî. Rayedarê DAD’î û Nuştox Ferbaba Firat vengdayîşê tarîxî Abdullah Ocalan ser o PÎRHA’yî rê qise kerd.
Wa rol û mîsyonê xo kay bikera
Ferbaba Firat aşkera kerd ke ganî wa dewlet rol û mîsyonê xo na pêvajo de kay bikera û wina va: “Vengdayîşê Birêz Ocalanî, welat de kelecanêko gird viraşt, çimkî her kes bendaya ci ya ke şero ke nê 40 serrê domyeno wa biqedîyo. Şer tena dej ard û çareserî nêard. Birêz Ocalan zî seba akerdişê verê sîyaseto demokratîke rê na game eşt. Muxatabê nê vengdayîşê; PKK û dewlete yê. Ganî seba averberdişê na pêvajo rê zemînê huquqî bêro awankerdene.”
Firat dîyar kerd ke eke Tirkîya de do aştî biviraza, Rojawan de zî statuyêko deskewta do xo bido cuyakerdene û wina qedîna: “Kurd, tirk û elewî û şarê bîn binê siwana komara demokratîke de ma bawer kenê ke do biciwî. No ser zî vengdayîşê Birêz Ocalanî zaf bi qiymet û avzel o, no ser ganî hetkarî bêro dayene.”
