Komîserê Heqanê Însanî yê NY’yî yo Berz Volker Turkî, Îran de dardekerdişanê zêdebîyayeyan ê Îranî bi çekuyanê tûjan şermezar kerd û venga Tehranî da ke bi lez heme înfazan vindarno û moratorîyumê cezaya merdişî îlan bikero.
Volker Turkî beyanatê xo de vat: “Hûmara berze a dardekerdişanê Îran mojneno ke cezaya merdişî sey yew çekê dewlete bi hewayêko sîstematîk yena şuxulnayene.” Turkî îfade kerd ke na polîtîka vera kêmane û koçberan bi hewayêko hobame yena bicaardene.
Turkî dîyar kerd ke cezaya merdişî heqê ciwîyayîşî ra dûrî ya, rûmetê însanî rê dişmenî kena û rîskê dardekerdişkerdişê kesanê bêsûcan gêna xo mîyan. Turkî vat: “Dardekerdiş, tu şertî de zî seba karê ke ganî binê huqûqê mîyanneteweyî yê heqanê însanî bêrê pawitene, ganî nêro bicardene. Hukmatê Îranî rê vengdayîşê xo tekrar kena, cezaya merdişî lez vindarnê û moratorîyumî îlan bikerê”
Aşma temûze de 110 dardekerdişî
Goreyê daneyê NY’yî Îran de aşma temmuze de 110 kesî darde bîyî. Na hûmare, yê parî ra zêdeyêr a. No mojeno ke nêmeyo verên ê 2025î de zî înfazan de “zêdebîyayîşêko biendîşe” est o.
