Serekê Pêroyî yê CHP’yî Ozgur Ozelî derheqê komîsyono ke meclîs de bêro awankerdene wina vat: “Serekê meclîsî waştişê ma qebul kerdî, do komîsyonî de zafaneya bi kalîte biba. Ma zî do 10 embazanê xo seba komîsyonî wezîfedar bikerê.”
Serekê Pêroyî yê CHP’yî Ozgur Ozel Ekrem Îmamogluyo ke wezîfeyê xo yê Serekîya Şaaredarîya Şaristanê Stenbolî yê Girdî ra ameyo dûrvistene, Hepisxaneyê Marmarayî de zîyaret kerd. Ozel zîyaretî ra pey qisey kerd, vat ke ê do komîsyono le do meclîs de bêro awankerde, uca de ca bigîrê.
Ozelî wina vat: “Moralê embazanê ma yê ke zere de yî, zaf baş o. Ê hewt qat binê erd de yê. Ê ke Qesran de ronişenê, ê ke Qesra Çaglayanî de ronişenê, qaşo edalete ser o yî. Helbet mîyanê înan de dadger û dozgerê bi namusî zî est ê, vatişê mi seba înan nîyo. Ez behsê çeteyanê AK Torosan kena. Moralê kesanê ke Qesra Qaçaxe de ronişenê hewt qat binê erdî de yo. Ma do serkewê, ma do serkewê.
Serekê meclîsî waştişê ma qebul kerdî, do komîsyon de zafaneya bi kalîte biba. Ma zî do siba 10 embazanê xo seba komîsyonî wezîfedar bikerê.”
