Partîya Çepe ya Ewropayî seba naskerdişê ‘Heqê Hêvî’ Rayberê Şarê Kurdî Abdullah Ocalanî Komîteyê Wezîran ê Konseya Ewropayî rê erşawit û waşt gamanê pêtan bierzê.
Serekê Pêroyî yê Partîya Çepe ya Ewropayî ke temsîlîyetê 26 partîyanê çep ê welatanê Yewîya Ewropayî kerd. Dr. Walter Baier Serekê Komîteyê Wezîran ê Konseyê Ewropayî Dr. Lan Borg rê mektub erşawit.
Mektub de Serekê Komîteyê Wezîran ê Konseyê Ewropayî ra ame waştene ke babeta ‘Heqê Hêvî’ de gamanê pêtan bierzê.
Reyna qerarê Mehkemaya Heqanê Merdiman a Ewropayî ameyê mojnayene ke riyê binpaykerdişê heqanê Rayberê Şarê Kurdî Abdullah Ocalan xeylê reyan Tirkîya şermezar kerdî.
Serekê Pêroyî yê Partîya Çepe ya Ewropayî binpaykerdişê ‘Heqê hêvî’ ard vîrî û dîyar kerd ke seba caardişê nê qeraran, qedênayîşê tecrîdî Abdullah Ocalanî ser o û awankerdişê mekanîzmayê veradayîşî yê mimkin, roniştişê 15ê Êlule firsendêko krîtîk.
Mektub de wina ame vatene: “Ocalan eynê wextî de seba xorayberdişê demokratîk û aştî yê herême muzakerekerêko sereke yo. Azadîye û beşdarîya ey tena seba edaletî nê, eynê wextî seba aştîyêka menda, demokrasî û aramî zî lazim o û muhîm o. Ma bi rêzdarî Komîteyê Wezîran ra wazenê ke seba Tirkîya hurmet nîşanê heqanê merdiman û serwerîya huqûqî bida, bi lez bikewo mîyanê hereketî.”
