Serê rayîrê Pasûr-Mûşî de pirdo ke yeno viraştene îskeleyê ci rijîya. Karkerê ke binê xirbeyî de mendî înan ra 3 kesan dinyaya xo bedilnaye.
Qezaya Pasûrî ya Amedî seba ke rayîro verên ê Pasûr-Mûşî binê awbendî de menano, sey alternatîfî rayîrêko bîn yeno viraştene. Nê rayîr de, îskeleyê pirdê ci rijîya.
Pirdo ke hetê Midurîya Pêroyî ya Bejrayîran (KGM) û Karê Awe yê Dewlete (DSÎ) ra yeno viraştene, rijnayîşê îskeleyê ci de 6 karkerî binê xirbeyî de mendî.
Nê karkeran ra Mehmet Şîrîn Yalçiner, Tahsîn Dere û Salîh Laleyî dinyaya xo bedilnaye. Ame vatene ke Cuneyt Narin û Şehmus Anustekinî ke birîndar bîyî, rewşa înan giran a.
Dîya zanayene ke hemşaredarê DEM Partî, îdarekarê bajarî û xeylê kesî şîyî warê serebute.
