Parlemantoyê Ewropa de 25ê sibate de kombîyayîşê bi sernameyê “Mabênê Tirkîya û Kurdan de Dîyalog: Aştîye, Pêameyîş û Demokrasî” do bêro organîzekerdene.
Kombîyayîş bi mêmandarîya Endama Parlemantoyê Ewropa (MEP) Evîne Încîr do Bruksel de salona SPINELLI 3H1î de saete 17.00 ra heta 19.00î bibo.
Moderatorîya programî do rojnamegere Amberîne Zaman bikera. Aktîvîteyî de ca de çarnayîş yê îngilîzkî, almanî û îtalyanî do bibo.
Mîthat Sancar do beşdar bibo
Beşdarê kombîyayîşî wina yê; MEP Evîne Încîr, endamê îdareyê EUTCCyî Dersîm Dagdevîren, MEP Andreas Schieder, Wekîlê DEM Partî Mithat Sancar, MEP Leoluca Orlando, MEP Per Clausen, MEP Thijs Reuten û Dr. Ayhan Işik.
Wayîra Xelata Haştîye ya Nobelî avûkata heqanê însanan Şîrîne Ebadî, Qasida Nîyetê Rindî yê Konseya Ewropa Bianca Jagger û wayîra Xelata Sakharovî Leyla Zana.
Kombîyayîşî de Tirkîya de babetê çareserkerdişê demokratîk ê meseleya kurdî, reynaawankerdişê prosesê haştîye û rolê ke Ewropa nê prosesî de eşkena bigîra xo ser, yenê muzakerekerdene.
