Pêrabesteyê Suryan şaristanê Hesekê û Qamişlo bi di çalakîyan Roja Ziwanê Dayîke ya Dinya pîroz kerd û bi rayîrê nê çalakîyan bal antî ser muhîmîya ziwanê suryanî sey beşêk nasnameyê dînî û kulturî.
Çarçiweya pîrozkerdişê Roja Ziwanê Dayîke ya Dinya de Sazîya Ulf Taû û Suryanî û Merkezê Cigêrayîşê Stratejîkî ya Suryanîyan bi siloganî “Ziwanê ma yê suryanî, nasnameyê ma, ameyoxê ma” çalakîyêk viraşt.
Çalakîya ke Salonê Komeleya Xêrxwazî ya Ermenîyan a şaristanê Qamişlo ame viraştiş de, bi desan endamê sazîyê Rayberîya Xoserîya Demokratîke, Partîya Yewîya Suryanî û sazîyê Beth û roşnvîr hadre bîyê.
Endamê Merkezê Cigêrayîşê Stratejîkî ya Suryanîyan Cak Îşo zî derheqê tarîxê ziwanê suryanî de semînerêk da.
