Endama Heyetê Îmraliyî yê DEM Partî Pervîn Buldan Newroza Îdirî de xîtabê girseyî kerd û vat: “Ma kewenê prosesê Qanûnanê Entegrasyonê Demokratîkî. Seba caardişê nê zî ganî gamê şênber û pratîk bêrê eştene. Seba naye ma reyna vengdayîşê Meclîsî kenê ke wa wezîfeyê xo bi ca bîyarê.”
Îdir de bi şîarê “Newroza Azadî û Yewîya Demokratîk” Newroz ame pîrozkerdene. Duştê varanî zî cinî û ciwanan bi kincanê xo yê neteweyî renganê kesk sûr û zerd herikîyayê warê Newroze. Polîsan bi bahaneya “qedexeyê” dest da serê flamayanê kesk û sûr û zerd ê ke cinîyan ardbî ware. Pîrozbayîye bi govende dest pêkerd. Newroz bi deqîqeyêk rêzgirewtene seba vîrardena cangorîyan û bi taybetî di şexsê Endamê Konseya Hemserekîya PYD’î Salih Muslim de dest pêkerd. Pîrozbayî de sloganê “Bijî Serok Apo” û “Jin Jiyan Azadî” ameyê berzkerdene.
