Platformê Ziwanan ê Ewropa (PZK-E) munaqeşeyê perwerdeyê bi ziwanê dayike analîz kerdî û dîyar kerd ke perwerdeyê bi ziwanê dayike seba aştî, seypêyî û ameyoxêko demokratîk mecbûrî o.
Vervatoxê PZK-E yê demî Lezgîn Botanî derheqê heqanê ziwanan û heqê kurdan ê perwerdeyê bi ziwanê dayike de Tirkîya de eşkerayîyêk weşanaye. Botanî modelê welatanê ke zaf ziwanî şuxulnenê nimune da û vat Tirkîya de zî yew mentiqo wina eşkeno bêro şuxulnayene.
Botanî vat: “Nasbîyayîşê kurdkî yê warê perwerde û raya pêroyî de tena yew meseleya ziwan nîyo, eynî wext de meseleyêka aştîye, seypêyî û demokrasîye yo.”
Botanî eşkerayîye de vat welatê ziwananê zafan sey Kanada, Swîsre, Belçîka û Hindîstan hem heqanê kolektîfan pawenê hem zî yewbîyayîşê komelkî xurt kene û wina domna: “Nê welatan de ke pîya ciwîyenê, perwerdeyê bi ziwanê dayike yew pirdêk o. Xebatî nişan danê ke perwerdeyê di ziwanan serkewtişê akademîkî zêde keno û haştîya komelkîye xurt keno.”
Botanî ard vîrardene ke dewleta tirke zî goreyê Pêameyîşê Lozanî seba ermenîkî û rumkî heqê perwerdeyê bi ziwanê dayike nas kerdo û wina qedîna: “Coka Tirkîya de perwerdeyê bi kurdkî hem heqanê kulturî paweno hem zî aştîya komelkîye xurt keno. Nasbîyayîşê kurdkî yê warê perwerde û raya pêroyî de demokrasîye do hîna xurt bikero. perwerde û raya pêroyî de demokrasîye do hîna xurt bikero. Na game cîyayan sey tehtîdêk ney sey yew xezîna erjnena, kena ke mîyanê welatî de aştî, seypêyî û demokrasî xurt bibo û aramîya Tirkîya peyda bibo.”
