Pêvînayîşanê mabênê Rayberîya Xosere û hukmatê demkî yê Sûrîye de bi ameyîşê heyetê Şamî dest pêkerd.
Çarçewaya peymana 30ê çeleyî ya mabênê Rayberîya Xosere û hukmatê demkî yê Sûrîye de heyetêk Wezaretê Zereyî yê hukmatî ra derbasî şaristanê Hesekê bî. Hûmarêka sînordar ya hêzê Wezaretê Zereyî yê hukmatê demkî yê Sûrîye binê çimdarîya Hêzanê Ewlekarî yê Zereyî yê Kantonê Cizîrî de rayedaranê Rayberîya Xosere reyde dest bi pêvînayîşan kerd.
Heyet badê Qamişlo do agêro Şam
Goreyê agahîyan do heyetê hukmatî û Hêzê Ewlekarî yê Zereyî yê Rojava eşkerayîyêka hempare bidê. Çarçewaya peymane de do babeta entegrasyonî ya hêzanê ewlekarî bêra qiseykerdene. Pêvinayîşan ra pey yeno pawitene ke heyet do siba derbasê Qamişlo bibo û dima ra agêro Şam.
