PJAKî da pêhesnayene ke prosesê hazirîye yê Kongreya Azadîye ya Îranî de nameyê ci lîsteya dawetbîyayeyan ra ameyo vetene vat: “Prosesê organîzasyonî rê mudaxaleyê mîyan ame kerdene.”
Komîteya Tekîlîyanê Teberî ya Partîya Cuya Azade ya Kurdîstanî (PJAK) eşkera kerd ke înan semedê tewrbîyayîşê Kongreya Azadîye ya Îranî ke do 28-29ê adare de London de bêro kerdene, daweto fermî girewt la dima ra temsîlkarê înan lîsteya dawetbîyayeyan ra ame ameyî vetene. Eşkerayîye de ame vatene ke prosesê kongre zelal û demokratîk nîno rayraberdene.
Eşkerayîye de nê ameyî vatene: “Senî ke rojanê peyênan de medya de zî ca girewt mabênê tarîxanê 28–29ê adare de London de bi nameyê ‘Kongreya Azadîye ya Îranî’ kombîyayîşêk yeno plankerdene. Ma sey PJAKî kenê ke heme hetanê sîyasîyan ke demokrasî û azadîye wazenê, dîyalog ronê. Na çarçewe de ma organîzatoranê kongre de ameyî têhet û pêvînayîşî kerdî. Dima ra organîzatoranê kongre partîya ma dawet kerd û ma zî dawet qebul kerd.
Ma peyra eşnawit ke sîteyê kongre de bi nameyê ‘Konseya Koordînasyonî ya Kongreya Azadîye ya Îranî’ awanîyêke ameya ronayene. Nê semedî ra ma qesawetê xo ard ziwan. Înan vat na konseye nêeşkena qerar bigêro û rayra bêro. La averşîyayîşê ke dima ra qewimîyayî mojenê ke înan raşt nêvato. Rixmo ke ma daweto fermî girewt, dima nameyê temsîlkaranê ma lîsteya dawetbîyayeyan ra ameyî vetene. No tewirêko bêpersîyar o ke goreyê zelalîye, yewîye û prensîbanê demokrasî nîyo.
Goreyê zanayîşê ke ma girewt mîyanê konseye de raydayîşêko otorîter ame kerdene û nê prosesî de heqê tewrbîyayîşê PJAKî ameyo astengkerdene. Perso bingeyên no yo: Kongreya ke bi waştişê asayîş û yewîye yena kerdene de senî mudaxaleyê mîyanî yenê kerdene? Goreyê zanayîşê ke çimeyanê zereyî ra ameyî girewtene, yeno îdîakerdene ke Partîya Demokratîke ya Kurdîstanî ya Îranî û Partîya Komala nê prosesî de rol kay kerd. Ganî raştîya nê îdîayan cîya bêro erjnayene; la no berpirsîyarîya dûrfînayîşê PJAKî werte ra nêdareno we. Ma eşkera îfade kenê ke tewirê Konseya Koordînasyonî nîno qebulkerdene û goreyê îdîayanê kongre nîyo. Şima metodanê hêzênê ke rexne kenê, newera afirnenê? Ma selahîyetdaranê kongre wazenê ke wa sebebê nê ma rê eşkera bikerê.”
