PJAK’î seba piştgirîya Rojavayê Kurdîstanî vengda ray pêroyî ya şarê kurd û dinya û waşt her kes wayîrê statuyê Rojava vejîyo.
Partîya Cuya Azade ya Kurdîstanî (PJAK) bi eşkerayîyêka nuştekî seba hêrişanê çinkerdişî yê vera Rojava vengda raya pêroyî ya şarê kurd û dinya kerd. PJAK’î vat le çeteyê HTŞ’yî bi hemkarîya Tirkîya seba çinkerdişê destkewteyanê Rojava dest bi hêrişanê qirkerdişî kerdo. PJAK’î eşkera kerd ke nê hêrişî hêrişê stratejîk ê û hedefê înan çinkerdişê Rojava û orterawedaritişê kurdan û heme destkewteyanê kurdan o.
‘Wazenê sîstemê Rojava bixeripnê’
PJAK’î da zanayene ke bi nê hêrişanê qirkerdişî yeno waştene ke Rojava heme bêra îşxalkerdene û sîstemê Rojava yê xoser û demokratîk bêro çinkerdene. PJAK’î dîyar kerd ke nê hêrişî vera Rojava û sîstemê xoserîye yê, amancê nê hêrişan o esasî çinkerdişê çar hetanê Kurdîstanî yo.
PJAK’î vengdayîşê xo de eşkera kerd ke hêzê peyê nê hêrişan de ca gênê, mîyanê planêko hempar de yê û çarçewaya nê planî o yo ke azadîya şarê kurdî ya Rojhelatê Mîyanênî asteng bikero û kurdî seserrîyêko bîn zî mehkumê bindestî û çinkerdişî bikero.
PJAK’î bale ant çarçewaya hêrişanê hovane û vat: “Hedefê asîmîlasyonê kulturî, qirkerdişê nîjadî, bedilîyayîşê demografîk o. Nê semedî ra zî ganî nê planê asîmîlasyon û çinkerdişê statuyê Rojava bêrê binvistene.”
Vengdayîşê raya pêroyî ya dinya
PJAK’î ard vîrî ke Rayberîya Xoser a Rojava vengdayîşê seferberîye kerd û vat: “Lazim o ke cewabê nê zaf rehet bêro dayene ke vernîya hêrişan bigîro û planê çinkerdişê kurdan pûç bikero. Nê vengdayîşê seferberîye çar hetanê Kurdîstan û kurdanê dîaspora, dostanê enternasyonal û heme welatanê Ewropa rê ameyo kerdene. Bêguman ganî cewab bêro dayene û hêrişî bêrê pûçkerdene.”
