Hêrişê çeteyanê HTŞ, SMO û Tirkiyeyî verva Rojava dewam kenê û hemverê nê zî xeylê merkezan de çalakîyê nerazîbîyayîşî yenê viraştene. Qezaya Pirsûsî de bi hezaran welatijî ver bi sinorê Kobanî rayîrşîyayîş virazenê.
Vengdayîşê Platformê Sazgehanê demokratîkî ser xeylê rayberî û hemserekê partîyanê sîyasî, temsîlkarê sazgehanê sivîlî, û welatijê qezayê Pirsûsê Rihayî kom bîy. Girseye kom bîye tîya ra ver bi sînorê Kobanî rayîrşîyayîş kenê.
Hemsereka Pêroyî yê DBP Çîgdem Kiliçgun Uçar, Hemserokê DEM Partîye Tuncer Bakirhan, Hemverfekê HDK’î Alî Kenanoglu, Parlamentera EMEP’î Sevda Karaca, Serekê Pêroyî yê EHP’î Hakan Ozturk, Hemserekê Pêroyî yê ESP’î Murat Çepnî, Hemserokê SYKP’î Mertcan Tîtîz, rêveberê SODAP’î , Verfeka TOP’î Jûlîana Gozen, temsîlkarê Yeşîl Sol Partî, Partîya Şoreşger û Federasyonê Meclîsanê Sosyalîst (SMF) û bi hezaran kes tevrê rayraşîyayîşî bî.
Rayra şîyayîş vera sînorê Kobanê dest kerd ci û pankart o girs de “Xwedî derketina Rojava xwedî derketina mirovahiyê ye” nuştebî. Girse wexto ke vera sînor bi siloganan şîyêne rastê hêrişê polîsan ame.
