Sîyasetmedarê kurd Yuksel Koç ke şaristanê Bremen ê Almanya de ciwîyeno, sereştişê keyeyê xo de hetê polîsanê Almanya ra ame destbendkerdene.
Sîyasetmedarê kurd Yuksel Koç ke şaristanê Bremen ê Almanya de ciwîyeno, ame destbendkerdene. Goreyê xebera ANF’yî; nê serê sibayî polîsanê Almanyayî eşt keyeyê Yuksel Koçî ser o û ey destbend kerd. Ame dîyarkerdene ke Koç çarçewaya cipersayîşê şaristanê Karlsruheyî ra yeno rayraberdene, ameyo destbendkerdene. Ame eşkerakerdene ke sereştiş saete 07:00î de dest pêkerdo û gêrayîşê keyeyî heta saete 11:00î dewam kerdo.
Gêrayîşê keyeyî ra pey polîsanê Almanya bêyî ke tu belgeyanê şênberan bidê keyeyî Koçî, vejîyayê şîyî. Ame zaneyene ke Yuksel Koçî berdo Karlsruheyî.
Yuksel Koç bi serran o Ewropa de kar û xebatanê sîyasetê kurdî rayra beno. Yuksel Koç mabênê serranê 20186 û 2023î de hemserekîya KCDK-E’yî kerda û o Ewropa de sîyasetmedarêko namdar ê kurd o.
