Grûba nuştişî ya Komîsyonê Meclisî siba reya pancine seba nuştişê raporê peyênî kom bena.
Komîsyonê meclisî ke çarçewaya Prosesê Aştî û Komelê Demokratîkî de amebi awankerdene, demêko derg o bêveng o. Komîsyono ke ganî heta nika raporê derheqê çareserîya problemê kurdkî de amade bikero, hema prosesê nuştişê raporî zî nêqedîna yo. Komîsyonî lazimtîya prosesî bi ca nêarda ke rastê rexneyanê tûjî yeno. Goreyê agahîyanê ke ameyê girewtene grûba nuştişî ya Komîsyonî do siba saete 14:00î de kom biba û cehd bikero ke raporê peyênî binuso.
Ame zanayene ke do kombîyayîş de çarçewaya raporî bêro nuştene û munaqaşekerdene. Yeno pawitene ke rapor heta nêmeyê aşma sibate do bêro temamkerdene.
