Şaredarîya Amedî ya Şaristanê Girdî, bi amancê zêdekerdişê bêastengîya warê kultur û hunerî û xurtkerdişê cuya sosyale ya berhemardox û beşdare ya şaristanî, kursanê neweyan dana destpêkerdene.
Serekîya Daîreya Kultur, Huner û Karanê Komelkîyan, bi amancê hîrakerdişê falîyetanê kultur û hunerî yê şaristanî, bernameyanê kursanê bêpereyan demê neweyî de zî dewam kena. Pê nê kursan ke abîyî, yeno amanckerdene ke qabîlîyetê hemwelatîyan ê hunerî aver şêro û beşdarîya înan a cuya sosyale zêde bibo.
Kursan de ke hem seba gedeyan hem zî seba girdan ameyî plankerdene, yeno amanckerdene ke hemwelatîyê grûbanê emranê cîya-cîyayan hunerî reyde bêrê têhet.
Beşanê seramîk, fuzyonê camî, lûlî-ney, klarnet û tenbûr, resim (gird û gedeyan rê), keman, pîyano (girdan rê) û gîtar (girdan rê) de perwerdeyî do bêrê dayene.
Muracatî do 25ê Adare ra heta 1ê Nîsane bêrê girewtene. Beşdarîya kursan de kontenjan do sînordar bibo. Muracatî, keyepelê dismek.diyarbakir.bel.tr ra eşkenê bêrê kerdene.
